काठमाडौं ,२९ साउन । विश्वभर कोरोना भाइरसबाट हालसम्म १ करोड २७ लाख बढी निको भइसकेका छन्।
जोन्स हप्किन्स विश्वविद्यालयका अनुसार १ करोड २७ लाख ४३ हजार २७५ निको भएका हुन्।
यो समाचार तयार पार्दा सम्मको तथ्यांकअनुसार कोरोनाबाट २ करोड ४७ हजार ८८७ संक्रमित भएका छन्। संक्रमितमध्ये ७ लाख ४५ हजार ९२३ को ज्यान गएको छ।
कोरोनाबाट सबभन्दा बढी अमेरिकामा १ लाख ६५ हजार ९३४ ले ज्यान गुमाएका छन्। हालसम्म अमेरिकामा ५१ लाख ९३ हजार २६६ संक्रमित भइसकेका छन्। जसमध्ये १७ लाख ५३ हजार ७६० निको भएका छन्।
अमेरिकापछि ब्राजिल सबभन्दा बढी कोरोनाबाट आक्रान्त बनेको छ। हालसम्म ब्राजिलमा ३१ लाख ६४ हजार ७८५ संक्रमित भेटिएका छन्। संक्रमितमध्ये २५ लाख ६ हजार २२८ निको भइसकेका छन्। त्यस्तै १ लाख ४ हजार २०१ को ज्यान गएको छ।
सबभन्दा बढी संक्रमित भेटिएको मुलुकको तेस्रो स्थानमा रहेको भारतमा हालसम्म १६ लाख ३९ हजार ५९९ निको भएका छन्। २३ लाख २९ हजार ६३८ संक्रमित हुँदा ४६ हजार ९१ को ज्यान गएको छ। पछिल्लो समय भारतमा संक्रमित दर उच्च रहेको छ।
संक्रमण सुरुवात भएको मुलुक चीनमा भने लामो समयदेखि संक्रमणमा कमी देखिदै आएको छ। चीनमा बुधबार १९ नयाँ संक्रमित भेटिएका छन्। यससँगै संक्रमित हुनेको संख्या ८९ हजार ४४ पुगेको छ। यस्तै मृत्यु हुनेको संख्या ४ हजार ६९७ रहेको छ भने ८२ हजार ६२० निको भइसकेका छन्।
