adv
adv

इलामको सन्दकपुर गाउँपालिकाका वडा सदस्य सहित ४ जनामा कोरोना संक्रमण


ईलाम ,२९ साउन ।
इलामको सन्दकपुर गाउँपालिकामा वडा सदस्य सहित ४ जनामा कोरोना संक्रमण देखिएको छ ।

गाउँपालिकाका प्रमुख प्रशासकिय अधिकृत महेश राईका अनुसार साउन २३ गते समुदायका ५० जनामा गरिएको टेस्टमा एक जना वडा सदस्य र ३ जना हाइड्रोपावरका कर्मचारीमा कोरोना देखिएको हो  । उनका अनुसार कोरोना देखिएको हाइड्रोपावरका एक जना कर्मचारी स्थानीयबासिन्दा रहेका छन् ।

केही दिन अघि सन्दकपुरमा रहेको पञ्चकन्या हाइड्रोपावर मर्मत गर्न आएका ११ जनामा कोरोना देखिएपछि समुदायमा टेस्ट गरिएको थियो ।

समुदायमा कोरोना फैलन नदिनका लागि गाउँपालिकाले साउन २२ गते बाट एक साताको लागि सिल गरेको थियो । कोरोना संक्रमित देखिएपछि सिल लम्व्याउने वा नलम्व्याउने भन्ने बिषयमा बैठक बसेर निर्णय गरिने राईले बताए ।

योसंगै इलाममा अहिलेसम्म कुल कोरोना संक्रमितको संख्या ८१ जना पुगेको छ ।

adv

Leave a Reply

Your email address will not be published. Required fields are marked *

सम्बन्धित शीर्षकहरु