adv
adv

 झापाका ७ जनासहित प्रदेश १ मा सोमबार ८३ जनामा कोरोना संक्रमण पुष्टि

झापा,१ भदौ  । प्रदेश १ मा आज सोमबार झापाका ७ जनासहित थप  ८३ जनामा ।कोरोना संक्रमण पुष्टि भएको छ ।

संक्रमितहरु झापाको दमकका चार पुरुष, शिवसताक्षीका दुई र कन्काईका एक पुरुष यसैगरी मोरङमा ४४, सुनसरीमा ३१,  र प्रदेश १ बाहिरका एकजना रहेको सामाजिक विकास मन्त्रालयले जनाएको छ ।

मन्त्रालयका अनुसार विराटनगरमा २९ जना संक्रमित थपिएका छन्। तीमध्ये १३ महिला र १६ पुरुष छन्।

बेलबारीमा सात महिला र तीन पुरुष, बूढीगंगामा एक महिला तीन पुरुष, सुन्दरहरैचामा एक पुरुषको रिपोर्ट पोजिटिभ आएको छ। मन्त्रालयका अनुसार सुनसरीको धरानमा १२ महिला ६ पुरुष, गढीमा ४ पुरुष, इनरुवामा ४ पुरुष, देवानगन्‍जमा ३ पुरुष, कोसी र रामधुनीमा एक पुरुषको रिपोर्ट पोजिटिभ आएको हो।

यो संगै प्रदेश १ मा कोरोना संक्रमितको संख्या २ हजार ९२ पुगेको छ।

यस्तै २४ घन्टामा २४ जना कोरोना संक्रमण मुक्त भएका छन् यो संगै प्रदेश न १ मा कोरोना संक्रमण मुक्त हुनेको संख्या १ हजार ९९ पुगेको छ ।

adv

Leave a Reply

Your email address will not be published. Required fields are marked *

सम्बन्धित शीर्षकहरु