मेचीनगर, ५ असोज । झापाको मेचीनगर नगरपालिकामा पहिलाे पटक काेराेना संक्रमितकाे मृत्यु भएकाे छ । मेचीनगर नगरपालिका वडा नं. ५ की ७२ वर्षीय महिलाकाे धरान स्थित वीपी काेइराला स्वास्थ्य विज्ञान प्रतिष्ठानमा उपचारकाे क्रममा मृत्यु भएकाे हाे ।
स्वास फेर्न गाह्रो हुने, शरीरमा कमजोरी हुने लगायतका स्वास्थ्य समस्या आएपछि करिब एक हप्ता अघि महिलालाइ अस्पताल पुर्याइएकाे थियाे ।
उपचारकै क्रममा महिलामा काेराेना संक्रमण पुष्टि भएकाे र धरानस्थित वीपी कोइराला स्वास्थ्य विज्ञान प्रतिष्ठानमा उपचारकै क्रममा आज विहान निधन भएको मेचीनगर सामाजिक विकास समिति संयोजक नबिन बरालले बताए ।
कोरोना संक्रमितको निधन भएसंगै शवको ब्यवस्थापन नेपाली सेनाले झापाको कन्काई माइ घाटमा गरेको बताइएको छ । योसंगै झापामा कोरोना संक्रमितको निधन भएको संख्या ४ पुगेको छ ।
