मेचीनगर, २८ असोज । झापाको मेचीनगरका नगरप्रमुख विमल आचार्यलाई कोराना संक्रमण भएको हो ।
आज रिपोर्ट पोजेटिभ आएको मेचीनगरका कोभिड फोकल पर्सन नविन बरालले जानकारी दिए ।
उनको कनकाई प्रयोगशालामा मङ्गलवार पीसीआर गरिएको थियो ।
नगरप्रमुख आचार्यको परिवारका अरु दुई जना र काँकरभिट्टा स्वास्थ्य चौकीका प्रमुख लेखनाथ खतिवडामा पनि कोराना पोजेटिभ देखिएको छ ।
नगरप्रमुख आचार्य पीसीआरका लागि स्वाव दिएपछि होमआइसोलेसनमा रहेका छन् ।
उनको स्वास्थ्य अवस्था हाल सामान्य छ ।
आज मेयरसहित मेचीनगरमा ४ जनामा कोरोना संक्रमण भएको हो ।