दमक, ५ मंसिर ।
सरकाले पेट्रोलियम पदार्थको मूल्यमा निरन्तर वृद्धि गरेको भन्दै सो को विरोधमा आइतबार झापाका विद्यार्थी संगठनहरुले प्रदर्शन गरेका छन् ।
समाजवादी विद्यार्थी युनियन, क्रान्तिकारी विद्यार्थी संगठन, एकीकृत समाजवादी निकट अनेरास्ववियुलगायत विद्यार्थी संगठनहरुले विरोध प्रदर्शन गरेको युनियन झापाका सह–संयोजक सुनिल राईले जानकारी दिए ।
विभिन्न ६ वटा विद्यार्थी संगठनहरुले विज्ञप्ति जारी गर्दै चरणवद्ध आन्दोलनको घोषणा गरेको जानकारी गाराउँदै राईले केन्द्रीय कार्यक्रम अन्तर्गत झापाको दमकमा विरोध प्रदर्शन गरिएका स्पष्ट पारे ।
दमकमा आयोजित विरोध प्रदर्शनमा विद्यार्थी नेताहरुले सम्बोधन गर्दै पेट्रोलियम पदार्थमा गरिएको मूल्यवृद्धि तत्काल फिर्ता लिन सरकारलाई अग्रह गरेका थिए । दैनिक उपभोग्य वस्तुमा समेत चरम मूल्यवृद्धि भएको भन्दै तत्काल नियन्त्रण गर्न उनीहरुले माग गरेका छन् ।
