विर्तामोड। आईएमई लाईफ इन्स्योरेन्स कम्पनिले प्रदेश १ अन्तर्गत मेची क्षेत्रको एजेन्सि मेनेजरहरुलाई लक्षित गरि क्षमता विकास तथाउत्प्रेरणात्मक तालिम सम्पन्न गरेको छ । मंसिर १६ देखि १८ गते सम्म सञ्चालित सो तालिम शनिबार सम्पन्न भएको थियो ।
विर्तामोड स्थीत हनुमान कम्प्लेक्समा रहेको शाखा कार्यलयमा सम्पन्न तालिममा पूर्णकालिन रुपमा काम गर्न इच्छुक रहेका ६० जनाएजेन्सि मेनेजरहरु सहभागी भएका थिए ।
अरु पेशा नगरि अभिकर्ता भै फुलटाइमर इन्स्योरेन्समा काम गर्न मन भएका एजेन्सि मेनेजरहरुलाई लक्षित गरि दिइएको तालिममा मेचीभरिबाट छानिएर सहभागि भएका र यो तालिम बिलकुल फरक र पृथक तरिकाले सञ्चालन गरिएको विर्तामोड शाखा प्रमुख महेन्द्र तिमल्सिनाले बताए ।
यो तालिमले एजेन्सिहरुमा क्षमता अभिवृद्धि भै व्यापार पनि वृद्धि हुने भएकोले यस प्रकारका तालिमहरु अब भइरहने प्रदेश १ प्रमुख मिलन दाहालले बताए ।
३ दिन चलेको तालिममा चिफ एजेन्सि मेनेजरहरु मनु साम्पाङ, हरि खनाल, हरिशरन लम्साल, चन्दन शाह लगायतले आफ्नो अनुभव सेयर गरेका थिए भने प्रदेश १ उप–प्रमुख ओम प्रकाश राईले सेल्स प्रोसेसको बारेमा जानकारी गराए ।
त्यस्तै चिफ एजेन्सि मेनेजरहरु नगेन्द्र श्रेष्ठले गोल सेटिङ र आयको बिषयमा, याम कुमार राईले क्लाइन्ट ह्यान्डलिङ, मोहन बेघा र दिनेश पोखरेलले बीमा पोलिसि आदिको बिषयमा प्रष्ट पारेका थिए ।
विर्तामोड, भद्रपुर र दमक शाखा प्रमुखहरु क्रमशः महेन्द्र तिमल्सिना, केशव पौडेल र देवेन्द्र कोइरालाले सञ्चालन गरेको कार्यक्रमको बीचबीचमा मनोरञ्जनात्मक खेलहरू समेत गरिएकोले तालिम अवधि छोटो भएको जस्तो आभास भइरहेको सहभागि एजेन्सि मेनेजर ससिताराईले बताए ।
यस तालिममा समुह र व्यक्तिगत रुपमा विभिन्न विधामा उत्कृष्ट सहभागिहरुलाई पुरस्कृत गरिएको थियो ।
