सारेगमप लिटल च्याम्प सिजन १ को बिजेता कृपा पौडेल
झापा । सारेगमप लिटल च्याम्प सिजन १ को उपाधि झापा बिर्तामोडकी कृपा पौडेलले जितेकी छन् । बिर्तामोड २ रामचोक निवासी १४ वर्षीया पौडेल सारेगमपको पहिलो विजेता बनेकी हुन् ।
शनिबार राती सम्पन्न ग्राण्ड फिनालेबाट विजेता घोषणा गरिएको थियो । उनले सहभागीमध्ये सबैभन्दा धेरै भोट पाएको आधारमा विजेता घोषित गरिएको हो । उनले फाइनलमा अन्य चार प्रतिस्पर्धीलाई पछि पार्दै उपाधिहात पारेकी हुन् ।
यस्तै, सारेगमपको फस्ट रनरअप झापा मेचीनगरकी रोसा फुयाँल भएकी छिन भने सेकेन्ड रनरअप सिलिगुडीका आदित्य विश्वकर्मा भएका छन् ।