फाकफोकथुम,१३ बैशाख । इलामको फाकफोकथुम गाउँपालिका अध्यक्षमा ५ जनाले उम्मेदवारी दिएका छन् । गाउँपालिका अध्यक्षका लागिगठबन्धनबाट नेपाली कांग्रेसका डिकबहादुर थापा, एमालेका दिपेन्द्र खनाल, गठबन्धनकै दल माओवादीबाट बुद्धमाया तामाङ, जनतासमाजवादी पार्टीका कृष्णबहादुर खत्री र मंगोल नेशनल अर्गनाइजेसनबाट ठाकुरसिंह लिम्बुले उम्मदेवारी दिएका हुन् ।
उपाध्यक्षमा एमालेबाट कल्पना राई, काग्रेसबाट भद्रमाया खड्का, माओवादी केन्द्रबाट कुल बहादुर वान्तावा, मंगोल नेशनलअर्गनाइजेसनबाट सोनिया योङहाङ लिम्बु र स्वतन्त्र तेज प्रकाश पौड्यालले उम्मेदवारी दिएका हुन् । वडा अध्यक्षमा ३१ जना, दलितमहिला सदस्य–१७ जना, महिला सदस्य–२१ र खुला सदस्यमा ४७ जनाले उम्मेदवारी दिएका हुन् ।
फाकफोकथुममा गठबन्धनबाट नेपाली कांग्रेसले अध्यक्ष र माओवादी केन्द्रले उपाध्यक्षमा उम्मेदवारी दिने सहमती भएको थियो । तरगठबन्धन भित्रैबाट बागी उम्मेदवार समेत खडा भएका छन् ।
