माङसेबुङ । स्थानीय तह निर्वाचनमा इलामको माङसेबुङ गाउँपालिकामा ६६ प्रतिशत मत खसेको छ । गाउँपालिकाको कुल १२ हजारपाँच सय ६८ मतदाता मध्ये ८ हजार तीन सय सात जनाले मतदान गरेको निर्वाचन अधिकृत घनेन्द्र अधिकारी बताए । जसमध्ये ३ हजार८ सय ७४ महिला र ४ हजार ४ सय ३३ जना पुरुषले मतदान गरेको निर्वाचन अधिकृत अधिकारीले जानकारी दिए ।
निर्वाचन अधिकृत अधिकारीका अनुसार वडा नम्बर १ मा २ हजार २ सय ५९ मध्ये १ हजार ५ सय २४, वडा नम्बर २ मा २ हजार ४ सय६८ मध्ये १ हजार ६ सय ८५, वडा नम्बर ३ मा २ हजार ५ सय ८६ मध्ये १ हजार ६ सय ८२ मत खसेको छ ।
त्यस्तै वडा नम्बर ४ मा १ हजार ३ सय ६० मध्ये ९ सय ४९, वडा नम्बर ५ मा २ हजार १९ मध्ये १ हजार २ सय ३३ मत र वडा नम्बर ६ मा १हजार ८ सय ७६ मध्ये १ हजार २ सय ३४ मत खसेको छ ।