३१ बैशाख, माङसेबुङ ।
इलामको माङसेबुङ गाउँपालिकामा मतगणना सुरु भएको छ ।
शुक्रबार भएको स्थानीय तह निर्वाचनको मतगणना अहिलेमध्यराति १२:४५ बाट सुरु भएको हो ।
मतगणनामा वडा नम्बर ४ र वडा नम्बर ५ को मत गणना एकै साथ गन्न सुरु गरिएको छ । वडा नम्बर ४ र ५ पश्चात क्रमश वडा नम्बर ६, वडा नम्बर १ र अन्त्यमा वडा नम्बर ३ र २ को मत गणना हुने निर्वाचन अधिकृत धनेन्द्र अधिकारीले बताए ।
माङसेबुङमा १२ हजार ५ सय ६८ मतदाता रहेका छन् भने मतदानको लागि ११ वटा मतदान स्थल र १८ वटा मतदान केन्द्रको व्यवस्थागरिएको थियो ।
