१० जेठ, दमक ।
होचो कथका किशोर डोरबहादुर खपाङ्गीले उचाइकै कारण अग्लो कीर्तिमानी बनाएका छन् ।
सिन्धुलीका १८ वर्षीय खपाङ्गीले विश्वकै होचो किशोरको रूपमा विश्व रेकर्ड बनाएका हुन् ।
खपाङ्गी १८ वर्षको उमेरमा ७३.४३ सेन्टिमिटर अर्थात २ फिट ४.९ इन्च अग्ला छन् । उनी संसारकै होचा किशोर (टीनएजर) को रूपमा गिनिज बुक अफ वल्र्ड रेकर्ड्समा नाम लेखाउन सफल भएका हुन् ।
मंगलबार काठमाडौंमा आयोजित एक कार्यक्रमका बीच खपाङ्गीलाई गिनिज बुक अफ वल्र्ड रेकर्डसको प्रमाणपत्र हस्तान्तरण गरिएको छ ।
