१५ जेठ, दमक ।
स्पेनिस क्लब रियल मेड्रिड १४औं पटक यूईएफए च्याम्पियन्स लिग च्यम्पियन बनेको छ ।
मेड्रिड ले जितसँगै १४औं पटक युरोपको प्रतिष्ठित फुटबल ट्रफी उचालेको हो ।
शनिबार राति फ्रान्सको पेरिसस्थित स्टेड डे फ्रान्स स्टेडियममा सम्पन्न प्रतियोगिताको फाइनल खेलमा रियलले इंग्लिस क्लब लिभरपुललाई १–० ले पाखा लगाउँदै कीर्तिमानी फुटबल उपाधि आफ्नो पोल्टामा पार्न सफल भयो ।
भिनिसियल जुनियरले दोस्रो हाफमा गरेको एक मात्र गोल रियललाई उपाधि दिलाउन निर्णायक गोल बन्यो । उनले ५४औं मिनेटमा फेडरिक भाल्भर्डेको पासमा गोल गरेका थिए ।
लिभरपुलको आक्रमणलाई रियलका गोलकिपर थिबाउट कोर्तुवाले उत्कृष्ट बचाउ गरेका थिए । रियलले पछिल्लो पटक २०१८ मा लिभरपुललाई हराएर उपाधि जितेको थियो भने लिभरपुल २०१९ मा च्याम्पियन बनेको थियो ।
लिभरपुलको सातौं पटक उपाधि जित्ने सपना भने पूरा हुन सकेन ।
