३ असार, दमक ।
नेपाल आदिवासी जनजाति पत्रकार महासंघ (फोनिज) ले संघीय समितिको रिक्त पदहरुमा पदपूर्ति गरेको छ ।
शुक्रबार सम्पन्न फोनिज संघीय सचिवालय बैठकले गण्डकी प्रदेशबाट संघीय सल्लाहकारमा हुमबहादुर गुरुङलाई चयन गरेको छ ।
त्यस्तै गण्डकी प्रदेशइन्चार्जमा एमबी आस्थालाई चयन गरेको छ ।
बैठकले संघीय समिति सदस्यहरुमा दिल श्रीष मगर र मिला दराई(अल्पसंख्यक) चयन भएका छन् भने संगठन विभाग सदस्यमा अशिफ गुरुङ लाईजिम्मेवारी तोकेको छ ।
फोनिज सातौं संघीय महाधिवेशन चितवनको सौराहा मा गत चैत ६, ७ र ८ गतेसम्पन्न भएको थियो ।
फोनिज गण्डकी प्रदेशले निर्वाचनमा सहभागी नहुने निर्णय गरेर बाहिरिएको थियो।
संघीय समितिले गण्डकी प्रदेशसँग समन्वय र छलफल गर्न वरिष्ठ उपाध्यक्ष लकीचौधरीको संयोजकत्वमा समिति गठन गरेको थियो ।
समितिले गत जेठ २४ गतेफोनिज गण्डकीसँग वार्ता गरि कुरो टुङ्याएको थियो ।
