१३ साउन, दमक ।
शुक्रबार देशभर थप ५ सय ७७ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा थप ५ सय ७७ जनामा संक्रमित थएिका हुन् ।
४ हजार २ सय ८२ जनामा गरिएको कोरोना परीक्षणमा उक्त संख्यामा संक्रमित थपिएका मन्त्रालयको भनाइ छ ।
शुक्रबार २ हजार ४ सय ७४ जनाको पिसिआर र एक हजार ८ सय ८ जनाको एन्टिजेन परीक्षण गरिएको थियो ।
थप २ जना कोरोना संक्रमितको मृत्यु भएको मन्त्रालयले जानकारी दिएको छ भने शुक्रबार नै २ सय ६९ जना संक्रमित निको भएका छन् ।
अहिले देशभर ४ हजार ३ सय ५६ जना सक्रिय संक्रमित छन् ।