८ भदौ, दमक ।
बुधबार देशभर थप ४ सय ८७ जनामा कोरोना संक्रमण पुष्टि भएको छ भने संक्रमित एक जनाको मृत्यु भएको छ ।
पीसीआर र एन्टिजेन गरी ४ हजार १ सय ७७ जनाको नमूना परीक्षण गर्दा ४ सय ८७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो ।
पछिल्लो २४ घण्टामा थप १ सय ६४ जना संक्रमित निको भएका छन् । हाल नेपालमा ४ हजार २ सय ९८ जना कोरोना भाइरसका सक्रिय संक्रमित रहेका छन् ।
यसैबीच बुधबार थप ३९ हजार ४ सय ४८ जनाले कोरोनाविरुद्धको खोप लगाएका स्वास्थ्य मन्त्रालयले जनाएको छ ।
