९ असोज, दमक ।
१३ दिनदेखि आमरण अनसनमा बसेका डा. गोविन्द केसीले शनिबार साँझ अनसन तोडेका छन् ।
सरकारसँग १० बुँदे सहमति भएपछि डा केसीले अनसन तोडेका हुन् ।
कैलालीबाट अनसन सुरु गरेका केसीको स्वास्थ्यमा समस्या देखिएपछि उनलाई त्रिवि शिक्षण अस्पताल भर्ना गरिएको थियो ।
केसीका सहयोगी प्रितम सुवेदीका अनुसार त्रीवि शिक्षण अस्पतालमा उपचारत एक बिरामीको हातबाट जुस पिएर केसीले शनिबार साँझ १३औँ दिनमा अनसन तोडेका हुन् ।
केसी र सरकारी पक्षबीच भएको सहमतिलाई अनुमोदनका लागि मन्त्रिपरिषद्मा पेस गर्ने सम्झौता भएको छ ।
१३औँ दिनमा अनसन तोडेका केसीले सरकारले सात दिनभित्र माग पूरा नगरे पुनः अनसन बस्ने चेतावनी दिएका छन् ।