सजन राई, माङसेबुङ । माङसेबुङ ३ चतुरेमा जारी चतुरे गोलकपको दोस्रो चरणको खेल अन्तर्गत सोमबार भएको खेलमा माङमालुङफुटबल क्लब, पिवाईसी चिबुवा र कुसुण्डे फुटबल क्लबले जीत निकाल्दै क्वाटरफाईनलको यात्रा तय गरेका छन् ।
सोमबार भएको पहिलो खेलमा माङमालुङ फुटबल क्लबले एफसीपि व्याक अगेन पञ्चमी विरुद्ध ३–१ को नतिजा निकाल्दैक्वाटरफाइनल खेल खेल्ने पक्का गरेको छ । माङमालुङको तर्फबाट पहिलो हाफको २१औं मिनेटमा मनकुमार राईले डिबक्सनजिकबाट गरेको क्रसबल गोलमा परिणत भएसँगै माङमालुङले अग्रगा लिएको थियो । पहिलो हापमा थप गोल हुन सकेन ।
खेलको दोस्रो हाफको १४औं मिनेटमा माङमालुङको तरेफबाट जर्सी नम्बर २२का अरुण राईले व्यक्तिगत गोल गर्दै नतिजा दोब्बरबनाएको थियो । २२औं मिनेटमा पञ्चमीका डिफेन्स विशाल लावतीले बल क्लियर गर्न नसक्दा माङमालुङका अरुण राईले सुन्दर गोलगर्दै नतिजा तेब्बर बनाएका थिए । खेलको थप अतिरिक्त समयमा पञ्चमीका खत्राज लावतीको क्रसमा जर्सी नम्बर १५ का रोमनलावतीले सान्तावना गोल गरे ।
सोमबार भएको दोस्रो खेल अन्तर्गत मिक्लाजुङ २ उपस्थित नभए पछि पिवाईसी चिबुवाले नेट बल हानेको थिए ।
प्रतियोगिताको तेस्रो खेल अन्तर्गत गैरीगाँउ विरुद्ध ६–१ को फराकिलो नतिजा निकाल्दै कुसुण्डे फुटबल क्लब क्वाटरफाईनल प्रवेश गरेको छ ।कुसुण्डेको जीतका लागि निस्चल बस्नेत र सक्सेस राईले २–२ गोल गरे भने सागरहाङ र योगेन राईले समान १–१ गोलको योगदान गरे ।
निकै प्रतिस्पर्धात्मक भएको खेलको २२औं मिनेटमा कुसुन्डेले पाएको पेनाल्टीलाई सदुपयोग गर्दै सक्सेस राईले टिमलाई अग्रतादिलाएका थिए । गैरीगाँउका जर्सी नम्बर ८ का विनोद राईले डिबक्स एरिया भित्र हेन्डबल गरेपछि कुसुण्डेले पेनाल्टी पाएको थियो ।
दोस्रो हाफको ७औं मिनेटमा निरज राईको क्रसमा सक्सेस राईले दोस्रो गोल गर्दै नतिजा दोब्बर बनाएको थियो । खेलको १०औं मिनेटमागैरीगाँउका सरोज राईको उत्कृष्ट फिनिसिङसँगै व्यक्तिगत गोल गर्दै टिमलाई १–२ को नतिजामा ल्याए ।
खेलको १२औं मिनेटमा कुसुन्डेका लागि सागर हाङले गोल गरे । खेलको १४औं मिनेटमा योगेन राईको क्रसमा निस्चल बस्नेतले गोल गर्दै४–१ को फराकिलो नतिजा बनाएका थिए । खेलको २०औं मिनेटमा निस्चल बस्नेतले पुन: अर्को गोल गरे । खेलको थप अतिरिक्तसमयमा योगेन राईले थप १ गोल गरेका थिए ।
२०७९ को शुभदिपावलीको अवसरमा ‘माङसेबुङ–३ चतुरे गोलकप’ फुटबल प्रतियोगिता आयोजक समितिले आयोजना गरेकोप्रतियोगितामा इलाम र पाँचथरका २८ टिमको सहभागिता रहेको छ ।
प्रतियोगिताको फाइनल कात्तिक १८ गते हुनेछ । प्रतियोगिताका विजेताले नगद ५० हजार ७९ रुपैयाँ सहित ट्रफि, मेडल र प्रमाण पत्रपाउने छन् भने उपविजेताले नगद ३० हजार ७९ रुपैयाँ सहित ट्रफि, मेडल र प्रमाणपत्रमा चित्त बुझाउनेछन् ।
