६ मंसिर, दमक ।
नेपाली कांग्रेसका टेकबहादुर गुरुङले मनाङबाट प्रतिनिधि सभातर्फ चुनाव जितेका छन् ।
सत्ता गठबन्धन उम्मेद्वार रहेका गुरुङले २ हजार ५ सय ७५ मत पाएर निर्वाचित भएका हुन् ।
उनका प्रतिद्वन्द्वी नेकपा एमालेका उम्मेद्वार पोल्देन छोपाङ गुरुङले २ हजार २ सय ४७ मत पाएका छन् ।
दुई उम्मेद्वारबीचको मतान्तर ३ सय २८ रहेको छ ।
प्रतिनिधि सभातर्फ गुरुङ २०७९ को निर्वाचनमा चुनाव जित्ने तेस्रो भाग्यमानी सांसद बनेका छन् ।
उनको जितसँगै कांग्रेसले २ सिट जितेको हो ।
