६ मंसिर, दमक ।
झापा निर्वाचन क्षेत्र नम्बर ५ को जारी मत गणना ४८ प्रतिशत सकिएको छ ।
मंगलबार राति ९ :४५ बजे प्राप्त मत परिणाम अनुसार ४९ हजार १ सय ९० मत गणना सकिएको छ । यो कुल खसेको मतको ४८.१५ प्रतिशत हो ।
पछिल्लो मत परिणाम अनुसार नेकपा एमालेका अध्यक्ष केपी शर्मा ओलीले २४ हजार ३ सय २० मत प्राप्त गरेका छन् ।
ओली अर्का प्रतिस्पर्धी गठबन्धन उम्मेद्वार डा. खगेन्द्र पाण्डव अधिकारी भन्दा १० हजार ६ सय ७७ मतले अगाडि छन् ।
अधिकारीले अहिलेसम्म प्राप्त गरेको मत १३ हजार ६ सय ४३ मत प्राप्त गरेका छन् ।
राष्टृय स्वतन्त्र पार्टीका सुरेश पोखरेलले ५ हजार २ सय ४९ मत पाएका छन् ।
जनमत पार्टीका भीम राजवंशीले १ हजार २ सय ७१ मत पाएका छन् भने संघीय मन्चका कबिन्द्र शेर्माले ४ सय ८९ मत पाएका छन् ।
एमएनओका सानबहादुर मेचेले ३ सय ३२, जसपकी ओममाया आङ्देम्बे ले २ सय ७८ मत पाएकी छिन् ।
स्वतन्त्रतर्फ दिपक कुमार पाठकले १ सय २७ मत पाएका छन् ।
२ हजार ७ सय ७४ मत बदर भएको निर्वाचन कार्यालयले जनाएको छ ।
