सरिता राई, १३ मंसिर ।
किरात धर्मगुरू आत्मानन्द लिङ्देनको ६९ औँ जन्मोत्सवमा माङसेबुङ गाउँपालिकाले सार्वजनिक विदा घोषणा गरेको छ ।
गाउँपालिका अध्यक्ष हेमन्त राईले सूचना जारी गरेर गुरूको जन्म दिनमा मंसिर १८ गतेलाई पालिकास्तरमा बिदा दिइएको जानकारीदिएका हुन् ।
माङसेबुङ ५ को लारुम्बामा गुरू लिङ्देन स–परिवारसहित आश्रम बनाएर बसोबास गर्दछन् । यस क्षेत्रलाई पवित्र र साकाहारी क्षेत्रकारूपमा घोषणा समेत गरिएको छ ।
साकाहारी क्षेत्रभित्र मदमदिरा, मासुमंस सेवन र जुवातास खेल्न प्रतिबन्ध छ । त्यस्तै मासुजन्य प्रयोजनका लागि पालिने कुखुरा, बाख्रा, सुँगुर आदि पाल्न पनि प्रतिवन्ध छ ।
किरात धर्मगुरू लिङ्देनकै कारण पनि माङसेबुङ किरात धर्मावलम्बीहरुको पवित्र र धार्मिक क्षेत्र एवम् महत्त्वपूर्ण तीर्थाटनका रूपमाविकास भएको हो ।
