१० पुष, काठमाडौं ।
नेकपा माओवादी केन्द्रका अध्यक्ष पुष्पकमल दाहाल प्रचण्डले सरकार गठनका लागि राष्ट्रपति समक्ष दाबी पेश गरेका छन् ।रातारात राजनीतिक समिकरण बदल्न र सत्ताको बागडोर सम्हाल्न माहिर खेलाडी दाहालले यस पटक पनि उसैगरि आफू सत्तामाउक्लने प्रपन्च मिलाए ।
आइतबार माओवादी केन्द्रका अध्यक्ष दाहालले आफूसँग विभिन्न दलका १ सय ६६ सांसदको समर्थन रहेको दावीसहित राष्ट्रपतिविद्यादेवी भण्डारीसमक्ष प्रधानमन्त्री नियुक्तिको लागि दावी पेश गरेका हुन् ।
आफ्नो दल माओवादीका सहित उनले नेकपा एमाले, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी, जनमतपार्टी र राष्ट्रिय उन्मुक्ति पार्टीका संसदहरुको समर्थन पेश गरेका छन् ।
प्रकृयले पूर्णता पएसँगै भोलि हुने औपचारिक सपथपछि दहाल तेस्रो कार्यकालका लागि मुलुकको प्रधानमन्त्री बन्ने छन् ।
निर्वाचन परिणामले कुनै एउटा दलको बहुमत प्राप्त नभैसकेपछि राष्ट्रपतिले आज आइतबार बेलुकी ५ बजेसम्ममा सरकार गठनकालागि दाबी पेश गर्न संविधानको धारा ६५ को (२) अनुसार आह्वान गरेकी थिइन् ।
आफूले प्रधानमन्त्री नपाउने भएपछि यसअघि दाहालले कांग्रेस, नेकपा (एस) सहितको गठबन्धन छाडेर एमाले अध्यक्ष केपी शर्माओलीसँग पदीय भागबण्डा गरेका थिए ।
जस अनुसार दाहाल आधा कार्यकाल प्रधानमन्त्री हुनेछन् भने बाँकी आधा कार्यकाल एमालेले प्रधानमन्त्री पाउनेछ ।
त्यस्तै राष्ट्रपति पद एमालेलाई दिन दाहाल तयार भएका छन् भने सभामुख पदको हकमा भने प्रम पदकै शर्त लागू हुने दाहाल–ओलीसम्झौता छ ।
यद्यपि भोलि सपथ लिँदैगरेका दाहालले एमाले र अन्य दलहरुसँग भावी मन्त्री मण्डलबारे छलफल गरिनसकेको माओवादी स्रोतकोभनाइ छ ।
