२३ पुष, दमक ।

सरकारले आफूहरुलाई बेवास्ता गरेको आरोप निजी क्षेत्रका अगुवाहरुले लगाएका छन् ।

शुक्रबार दमक उद्योग बाणिज्य संघको ३१ औं वार्षिक साधारण सभा उद्घाटन समारोहका वक्ताहरुले यस्तो आरोप्लगाएका हुन् ।

मुलुकको अर्थतन्त्रको मुख्य आधार उद्योगी व्यवसायीहरु नै भए पनि आफूहरुमाथि आर्थिक मन्दीको समयमा राज्यले न्यायपूर्णव्यवहार नगरेको अगुवाहरुले गुनासो गरे ।

कोरोनापछि सिर्जित आर्थिक मन्दीको अवस्थामा उद्योगी व्यवसायीलाई बैंक ब्याजदरमा समेत कस्ने नीति ल्याएर सरकारले अन्यायगरेको भन्दै सम्बद्ध नेताहरुले सरकारको सो नीतिको विरोध गरेका हुन् ।

नेपाल उद्योग बाणिज्य संघ का पूर्व अध्यक्ष एवम् दक्षिण एसियाली उद्योग बाणिज्य महासंघका उपाध्यक्ष चण्डीराज ढकालको प्रमुखआतिथ्यता र दमक उद्योग बाणिज्य संघका अध्यक्ष गोकुल श्रेष्ठको अध्यक्षतमा सम्पन्न कार्यक्रममा बोल्दै वक्ताहरुले राज्य पक्ष रनिजी क्षेत्रको साझेदारीबाट मात्रै समग्र विकास र रोजगारी सिर्जना हुने बताएका थिए ।

कार्यक्रममा प्रदेश १ का प्रदेश सभा सदस्य होमबहादुर थापा, दमक नगरपालिकाका प्रमुख रामकुमार थापा, उपप्रमुख रेगिना भट्टराईप्रसाईं, नेपाल उद्योग वाणिज्य महासंघका प्रदेश १ अध्यक्ष टिकाराज ढकाल, दमक उद्योग वाणिज्य संघका पूर्व अध्यक्ष घनेन्द्रराजयोङया, निवर्तमान अध्यक्ष राजेन्द्र ढकाल लगायतले बोलेका थिए ।

उद्घाटन सत्रको सुरुमै अध्यक्ष श्रेष्ठले संघको वार्षिक प्रतिवेदन पेश गरेका थिए । उनले प्रतिवेदनमार्फत कोरोना र यसबाट सिर्जितसमस्या र महामारीसँग जुध्न संघले स्थानीय सरकारसँग गरेको सहकार्य बारे चर्चा गरेका थिए ।

सो अवसरमा संघका वरिष्ठ उपाध्यक्ष एवम् साधारण सभा तयारी समिति संयोजक देवीप्रसाद गुरागाइँ ( गोपाल)ले स्वागत मन्तव्यराख्दै संघको बन्दसत्र सकिए लगतै आफू नयाँ भूमिकाको निम्ति अभियानमा जुट्ने खुलासा गरे ।

चुनावी साधारण सभा समेत रहेको संघको ३१ औं वार्षिक साधारण सभामा आगामी कार्यकालको नेतृत्वमा थुप्रै आकांक्षी मध्येगुरागाईँलाई मुख्य दावेदार मानिएको छ ।

साधारण सभामा सम्मान र

पुरस्कार

३१ औं बार्षिक साधारण सभाको अवसर पारेर दमक उद्योग बाणिज्य संघले आफ्ना पूर्व अध्यक्ष बिष्णुप्रसाद श्रेष्ठलाई सम्मान गरेकोछ । उनले (२०४८–५०)सम्म )संघको नेतृत्व गरेका थिए ।

त्यस्तै यस वर्षको उत्कृष्ट व्यवसायीहरुमा दमक ३ स्थित लक्ष्मी ट्रेडर्सका मिश्रीलाल साह र पाथीभरा स्टोरकी तीर्थकुमारीताम्राकारलाई कार्यक्रमका बीच दोसल्ला ओढाई सम्मानपत्र प्रदान गरिएको थियो ।