२३ पुष, दमक ।
नेपाल रेडक्रस सोसाइटी उपशाखा दमकको शनिबार सम्पन्न निर्वाचनको मत परिणाम सार्वजनिक भएको छ ।
प्राप्त अन्तिम मत परिणाम अनुसार सोसाइटीको दमक उपशाखा सचिवमा घनश्याम कोइराला ३१४ मत पाएर विजयी भए ।
उनीसँग प्रतिस्पर्धा गरेका तीर्थराज बस्नेत (शंकर)ले २५२ मत पाए ।
उपसचिव पदमा बबरजंग थापा (किरण) ४३८ मत पाएर निर्वाचित भए ।
उनीसँगै स्पर्धा गरेका अनिल सुवेदीले १२० मत पाए ।
त्यस्तै कार्यसमिति सदस्य महिला तर्फ मैना दाहाल (३१८ मत), खुलातर्फ कार्यसमिति सदस्यमा सुमनकुमार नेपाल (४६० मत), डा. सूर्यनारायण साह (४४७ मत), ध्रुवप्रसाद न्यौपाने (४३९ मत) र पारसमणी आचार्य (३६३ मत) सहित विजयी भए ।
महिला सदस्यमा दुर्गा चुँडाल र खुला सदस्यहरुमा सर्वकुमार कार्की र सुरेन्द्रकुमार श्रेष्ठ चुनावी स्पर्धामा रहे पनि विजयी बन्न सकेनन्।
यसअघि गएको बुधबार सभापतिसहित विभिन्न ४ पदाधिकारी निर्विरोध निर्वाचित भएका थिए ।
सभापतिमा पुनः प्रकाश बुढाथोकी निर्विरोध निर्वाचित भएका थिए ।
त्यस्तै उपसभापतिमा गोमादेवी प्रसाईं, कोषाध्यक्षमा सीता कार्की र उपकोषाध्यक्षमा प्रकाश बस्नेत निर्विरोध निर्वाचित भएका थिए।
