२५ पुष, दमक ।
नवगठित प्रदेश नम्बर १ सरकारको सोमबारको पहिलो मन्त्रिपरिषद बैठकले प्रदेश मन्त्रालयको संख्या ९ मा झार्ने निर्णय गरेको छ ।
मुख्यमन्त्री हिक्मतकुमार कार्की निकट स्रोतले दिएको जानकारी अनुसार प्रदेश १ मा मन्त्रालयको संख्या ७ बाट १४ पुगेको बारे ब्यापकजनगुनासो रहेको भन्दै प्रदेश सरकारले पहिलो निर्णय नै मन्त्रालय घटाउने भनी गरेको हो ।
सोमबारको बैठकले प्रदेशभर सरकारी सेवा प्रवाहको अवस्था सुधार गर्न प्रशासन सुधार कार्यदल गठन गर्ने, शीतलहरबाट जोगिनपूर्वतयारी गर्ने लगायतका निणर्य गरेको नवनियुक्त बिना विभागीय मन्त्री भक्ति सिटौलाले जानकारी दिएका छन् ।
मुख्यमन्त्री कार्कीसहित ३ मन्त्रीले लिए सपथ
यस अघि सोमबार अपरान्ह प्रदेश नम्बर १ का नवनियुक्त मुख्यमन्त्री हिक्मतकुमार कार्कीसहित प्रदेशका ३ जना नवनियुक्त मन्त्रीकोसपथ प्रदेश नम्बर १ प्रदेश प्रमुखको कार्यालयमा भएको थियो ।
प्रदेश प्रमुख परशुराम खापुङले मुख्यमन्त्री कार्कीलाई संविधानको धारा १६८ को उपधारा (९) बमोजिम सपथ गराएका थिए ।
सो लगत्तै कार्कीले एमालेबाट तिलकुमार मेन्याङ्बो, राप्रपाबाट भक्ति सिटौला र जसपाबाट निर्मला लिम्बूलाई बिना विभागीय मन्त्रीमानियुक्त गरेका थिए ।
नवनियुक्त मन्त्रीहरुलाई समेत प्रदेश प्रमुख खापुङले सपथ गराएका थिए ।
