२६ पुष, दमक ।
दमक उद्योग बाणिज्य संघको आगामी नेतृत्व चयनको लागि निर्वाचन कार्यतालिका अनुसार काम अघि बढेको छ ।
हिजो सोमबार निर्वाचन कार्य तालिका सार्वजनिक गरेको निर्वाचन समितिले आजमैगलबारबाट काम अघि बढाएको हो ।
लीला गुरागाईं संयोजक रहेको निर्वाचन समितिमा प्रदिप कोइराला, घनश्यामन्यौपाने, सुशिल निरौला र शेषकुमार निरौला सदस्य छन् ।
उद्योगी व्यवसायीहरुले आफ्नो हकहितका लागि नेतृत्व चयन गर्ने भए पनि दमकउद्योग बाणिज्य संघको नेतृत्वका लागि बिगतदेखि नै दलीय राजनीतिको गहिरोप्रभाव पर्दै आएको छ ।
निर्वाचन समितिका संयोजक गुरागाईं उद्योगी व्यवसायीहरुको नेतृत्व चयनकालागि हुने यो निर्वाचनको बिगतका अभ्यासलाई हेर्दा कुनै संसदीय निर्वाचन भन्दाकम नभएको बताउँछन् ।
हरप्रहर न्युजले सहमतिका लागि निर्वाचन समितिले कस्तो भूमिका निर्वाह गर्नसक्छ ? भनेर राखेको जिज्ञासामा गुरागाईंले भने -‘दलीय प्रभाव बढी नै पर्नेनिर्वाचन भएकोले दलका स्थानीय नेताहरु छलफल र सम्वादमा जुट्नुभएकोजस्तो लाग्छ । अर्को कुरा, यो निर्वाचनमा संघका पूर्व अध्यक्षज्यूहरु, निवर्तमानअध्यक्षज्यूले पनि सर्वसम्मत नेतृत्वका लागि भूमिका खेल्न सक्नुहुन्छ भन्ने लाग्छ।‘
उनले थपे -‘व्यवसायीहरुले सर्वसम्मत नेतृत्व माग गरेका हुनाले यसलाईसकारात्मक रूपमा हामीले हेरेका छौं ।‘
सर्वसम्मत नेतृत्व चयन हुन सके दमकले व्यवसायिक एकताको सकारात्मकसन्देश दिन सक्ने गुरागाईं बताउँछन् ।
यस्तो छ निर्वाचन कार्य तालिका
निर्वाचन समितिले जारी गरेको कार्य तालिका अनुसार आज पुष २६ गते बिहान१०:३० बजे मतदाता नामावली प्रकाशन भै सो उपर दावी विरोधको समय पुष २७गते बिहान १०:३० देखि दिउँसो २ बजेसम्मलाई तोकिएको छ ।
त्यस्तै अन्तिम मतदाता नामावली प्रकाशन दिउँसो ३:३० बजे हुने निर्वाचनसमितिले जारी गरेको सूचनामा उल्लेख छ ।
पुष २९ गते बिहान १०:३० देखि दिउँसो २:३० बजेसम्म उम्मेद्वरको मनोनयन दर्तासमय तोकिएको छ भने अपरान्ह ४ बजे उम्मेद्वारको दर्ता नामावली प्रकाशन हुनेछ।
उम्मेद्वारको नामावली माथि दावी विरोधको समय पुष ३० गते बिहान १०:३० देखिमध्यान्ह १२:३० सम्मलैइ तोकिएको छ । दावीविरोध पश्चात उम्मेद्वारकोनामावली दिउँसो २ बजे प्रकाशित हुनेछ ।
निर्वाचन समितिले माघ १ गते बिहान ११ बजेदेखि माघ २ गते दिउँसो २:३०बजेसम्म उम्मेद्वरको मनोनयन फिर्ताका लागि समय तोकेको छ । त्यस्तै दिउँसो३:३० बजे उम्मेद्वारको अन्तिम नामावली प्रकाशनको कार्यक्रम रहेको छ ।
माघ ६ गते बिहान ८:३० देखि दिउँसो ३ बजेसम्म मतदान कार्य हुने रमतदानपश्चात मत गणना कार्य गरिने जारी सूचनामा उल्लेख छ ।
मतदान कार्यक्रम दमक ७ पशुहाटस्थित ७ नम्बर वडा कार्यालयमा सम्पन्न हुनेछभने निर्वाचनका बाँकी सबै कार्यक्रम संघको कार्यालयबाटै सम्पादन हुनेबताइएको छ ।
२५ सदस्यीय संघको कार्य समिति र ३ सदस्यीय लेखा समिति चयनका लागिनिर्वाचन कार्यतालिका तोकिएको हो ।
जसमा अध्यक्ष १, वरिष्ठ उपाध्यक्ष, प्रथम उपाध्यक्ष, द्वितीय उपाध्यक्ष, तृतीयउपाध्यक्ष र महिला उपाध्यक्ष १–१ पदका लागि निर्वाचन हुनेछ भने संघकानिवर्तमान अध्यक्ष पदेन पदाधिकारी हुने वैधानिक व्यवस्था छ ।
त्यसैगरी महिला सदस्य २, वस्तुगत सदस्य ७, खुल्ला सदस्य ६, जना सदस्यपदका लागि निर्वाचन हुनेछ ।
त्यसैगरी लेखा समिति संयोजक १ र सदस्य २ का लागि पनि निर्वाचन हुनेछ ।
निर्वाचित समितिको बैठकले थप १ महिलासहित ३ सदस्य मनोनित गर्नेछ ।
