१६ माघ, दमक ।
११ र १२ लिम्बू भाषा र साहित्य पाठ्यक्रम २०५९ दोस्रो परिमार्जन र संशोधनसहित अनुमोदित पाठ्यक्रम २०७९ बिमोचितभएको छ ।
शनिवार पान्थरको फाल्गुनन्द गाउँपालिका याम्बोङस्थित सत्यहाङमा माध्यमिक विद्यालयको भवनमा नयाँ पाठ्यक्रमको बिमोचनगरिएको हो ।
फाल्गुनन्द गाउँपलिकाका अध्यक्ष बृजहाङ आङ्देम्बेको प्रमुख आतिथ्यतामा सम्पन्न कार्यक्रममा अनुमोदित पाठ्यक्रम विमोचनगरेको पाठ्यक्रम विशेषज्ञ मलिसा याक्थुङ्बाले जानकारी दिए ।
अनुमोदित पाठ्यक्रम सुरुमा २०५९ साउन १६ र १७ गते कियाचु निर्मित लिम्बू भाषा र साहित्य (प्रविणता प्रमाण तह प्रथम र दोस्रो वर्षनमूना पाठ्यक्रम) ले तयारी गरि पठनपाठन भएको थियो ।
पाठ्यक्रम पहिलो पटक २०६८ फागुन २६ गते परिमार्जन र संशोधन गरी कक्षा ११ र १२ मा एक दशकसम्म अध्यापन भई सकेको भाषा विषय समिति संयोजक याक्थुङ्बाको भनाइ छ ।
यसै पाठ्यक्रमलाई २०७९ भदौ १० र ११ गते पाठ्यक्रम मस्यौदा तथा परिमार्जन कार्यदल र विशेषज्ञहरुमा खडक नारायण आङदेम्बे, डिकधोज लाओती, वि.वि. थाम्सुहाङ, सर्णकुमार येक्तेन, लाल बहादुर सम्बाहाङफे, दिलबीर सेर्मा, लाल बहादुर नेम्बाङ, भीमकुरुम्बाङ, मिङ्सो साम्रा, रविन पतङ्वा, रचना लाओती, पृथीप्रसाद नेम्बाङ र वाली छथरेले मस्यौदा तयार गरेका थिए ।
मस्यौदा तथा संशोधन कार्यदल (विशेषज्ञ)बाट समय सुहाउँदो मस्यौदा भई दोस्रो पटक २०७९ पुस १९ गते संयोजक मलिसायाक्थुङवा, सदस्यद्वय शेर बहादुर लिम्बू र अमिता सुब्बा रहेको विषय समितिले अनुमोदन गरी तयार गरेको हो ।
