१६ माघ, जनकपुर ।
मधेस प्रदेश सरकारको मुख्य न्यायधीवक्तामा बिरेन्द्रकुमार ठाकुर नियुक्त भएका छन ।
बिगत २० वर्षदेखि जिल्ला अदालत हुँदै पुनरावेदन र सर्वोच्च अदालतमा समेत वहस गर्दै आएका ठकुरलाई मधेस प्रदेश सरकारकामुख्यमन्त्री सरोजकुमार यादवको बिरेन्द्रसिफारिसमा मुख्य न्यायाधिवक्ता नियुक्त गरिएको हो ।
।
उनलाई आइतबर मधेस प्रदेश प्रमुख हरिशंकर मिश्र ले सो पदमा नियुक्त गरेका थिए ।
आइतबार नै ठाकुरले पद तथा गोपनीयताको सपथ लिएको प्रदेश प्रमुखको कार्यालयले जनाएको छ ।
ठाकुर जनता समाजवादी पार्टी (जसपा) निकट बौद्धिक पेशाकर्मी महासंघका अध्यक्ष समेत हुन ।
मधेस प्रदेशको मुख्य न्यायाधिवक्ता नियुक्त भएसँगै उनले प्रदेशमा रहेको नगरिकता समस्या समाधानका लागि आफ्नो तर्फबाट सक्दोपहल गर्ने बताएका छन ।
हरप्रहर न्यूजसँगको कुराकानीमा ठाकुरले भने -‘नागरिकताको विषय अघिल्लो संघीय संसद्ले पारित गरेर राष्ट्रपति समक्षप्रमाणीकरणको लागि पठाएको विषय हो । त्यसैले त्यो कहिले जारी हुन्छ ? राष्ट्रपति कार्यालयले जवाफ देला । मधेस प्रदेशसरकारले गर्न सक्ने र गर्नुपर्ने भूमिकामा मेरो सक्दो पहलकद्मी रहन्छ ।‘
मधेस विद्रोहका क्रममा राज्य पक्षबाट लगाइएका झुटा मुद्दा खारेजीमा तपाईंको कस्तो भूमिका रहन्छ ? भनेर गरिएको प्रश्नमा ठाकुरलेभने – ‘मधेस सरकार आफैले यस्तो मुद्दा नलगाएको हुनाले यो हाम्रो कार्यक्षेत्र भन्दा बाहिर छ । यद्यपि झुटा मुद्दा लगाएर जसरी दु:खदिने गरिएको छ, यसबारे नेपाल प्रहरी र संघीय सरकारको सम्बन्धित मन्त्रालयसँग कुराकानी गर्ने र मुद्दा खारेजीको लागि पहल गरिनेछ ।‘
उनले मधेस, थरुहट लगायत उत्पीडित समुदायले अधिकार प्राप्तिको आन्दोलन र संघर्षमा सहादत भएका र अङ्गभङ्ग भएकाहरुलेउचित राहत र न्याय पाउनुपर्नेमा जोड दिएका छन ।
