२४ माघ, माङसेबुङ। माङसेबुङमा जारी ‘पवित्रहाङमा कप २०७९’ मा पाहुना टोली एफ.एफ.सी. दार्जिलिङ भारतले रोयल स्पोर्टिङ क्लब दमकलाई हराएको छ। मंगलबार भएको खेलमा ५-१ गोल अन्तरले दमकलाई हराएको हो ।
खेलको पहिलो हाफमा भारतकी खेलाडी सोनिया मारकले ह्याट्रिक गर्दै टिमलाई फराकिलो अन्तरले बिजयी गराईन् । दोस्रो हाफको पहिलो सान्तवना गोल दमकको तर्फबाट मेनुका आलेमगरले गरिन् । त्यसपछि पाहुना टेलीकै सोनिया मारक र सुस्मिता लेप्चाले एक-एक गोल गर्दै टिमलाई जित दिलाए ।
किरात धर्मगुरुआमा साँबा पवित्रहाङमा लिङदेनको ६७ औं जन्मोत्सवको आयोजित प्रतियोगितामा बुधबार माउण्ट एभरेष्ट स्पोर्टङि क्लब सुनसरी, र गाइघाट फुटबल क्लब उदयपुरबीच खेल हुनेछ ।
खेलका विजेताले नगद रु. दुई लाख एक सय उनान्सत्तरी र उपविजेताले रु. एक लाख एक सय उनान्सत्तरी प्राप्त गर्नेछन् ।
