२७ माघ, दमक ।
नेपालको पूर्वी नाका काँकरभिट्टामा नवनिर्मित कोभिड १९ संक्रमितहरुलाई बस्न बनाइएको आइसोलेसन केन्द्र बिहीबार स्थानीयसरकारलाई हस्तान्तरण गरिएको छ ।
अन्तर्राष्ट्रिय आप्रवासन संगठन (आईओएम) ले पूर्वाधार निर्माण गरी मेचीनगर नगरपालिकालाई हस्तान्तरण गरेको हो ।
आईओएमका योजना व्यवस्थापक उमा नेपालले दिएको जानकारी अनुसार मेचीनगर– ६, काँकरभिट्टा मेचीपुलको नेपालतर्फ निर्मितकोभिड १९ विरूद्ध द्रुत प्रतिक्रिया तथा पूर्वतयारी का निम्ती आइसोलेसन केन्द्र र सीमा नाकाको सवलीकरणसहित प्रभावकारी केशव्यवस्थापन परियोजना हस्तान्तरण गरिएको हो ।
मेचीनगर नगरपालिका का प्रमुख गोपालचन्द्र बुढाथोकी र उप प्रमुख मीना पोखरेल उप्रेतीलाई परियोजनाको कागजात हस्तान्तरणगरिएको योजना व्यवस्थापक नेपालले जानकारी दिएकी छन ।
वागमती प्रदेश वाहेक सीमा जोडिएका अन्य सबै प्रदेशमा १ करोड ५० लाख युरो लागतमा यो परियोजना सञ्चालनमा अन्तरराष्ट्रियको सहयोग रहेको बताइएको छ ।
कार्यक्रममा गृह प्रशासन, सुरक्षा निकाय, राजनीतिक व्यक्तित्व, जनप्रतिनिधि र सञ्चारकर्मी सहभागी थिए ।
परियोजनाले भारत जाने र भारत आउने यात्रुलाई कोभिड १९ को संक्रमण हुन सक्ने खतराबाट सुरक्षित पार्न मद्दत गर्ने छ ।
