२५ फागुन, दमक ।
राष्ट्रपति पदका लागि आज बिहीबार बिहान ९ बजेदेखि सुरु भएको मतदान कार्य जारी छ ।
निर्धारित तालिका अनुसार बानेश्वरस्थित संसद भवनमा सुरु मतदान कार्यक्रम दिउँसो ३ बजेसम्म चल्ने संसद सचिवालयले जनाएकोछ ।
मतदान सुरु भए लगत्तै राष्ट्रपति पदका उम्मेद्वारद्वय रामचन्द्र पौडेल र सुबासचन्द्र नेम्बाङले मतदान गरिसकेका छन ।
कांग्रेस नेता पौडेल ८ दलका साझा उम्मेद्वार हुन । संघीय संसद र प्रदेश सभामा रहेका सांसदहरुको संख्या हेर्दा पौडेललाईसुबिधाजनक जित हात लाग्ने देखिन्छ ।
८ दलीय सहमति अनुसार उनले आफ्नो दल कांग्रेस सहित माओवादी केन्द्र, जसपा, नेकपा एस, लोसपा, जनमत, नागरिक उन्मुक्ति रजनमोर्चाको मत पाउने छन ।
नेकपा एमाले उपाध्यक्ष नेम्बाङ पौडेलसँगको प्रतिस्पर्धामा छन । रप्रपाले मतदान बहिस्कार गर्ने निर्णय गरेसँगै उनको अवस्थाकमजोर आँकलन गरिएकोछ ।
नेम्बाङलाईआफ्नो दल एमाले सहित रवि लामिछाने नेतृत्वको रास्वपा र केही स्वतन्त्र सांसदले मतदान गर्ने सम्भावना छ ।
