२ चैत, दमक ।
बजारमा बिक्रि वितरण भैरहेको अखाद्य वस्तु नियन्त्रण र त्यसबाट हुने जोखिमन्यूनीकरण गर्न आवश्यक नीति बन्नुपर्नेमा जोड दिइएको छ ।
विश्व उपभोक्ता अधिकार दिवसका अवसरमा बुधबार झापाको दमकमाआयोजित अन्तरकृया कार्यक्रमलाई सम्बोधन गर्दै दमक नगरपालिकाकीउपप्रमुख रेगिना भट्टराई प्रसाईंले उपभोक्ता अधिकारका लागि स्थानीय सरकारलेनीति नै बनाएर अघि बढ्नुपर्ने आवश्यकता रहेको औंल्याइन ।
‘दैनिक जीवनमा मिसावट र विषादियुक्त खानपानका कारण दीर्घ रोगीको संख्याबढ्दो छ । त्यसैले हामीले रोगको उपचार गर्ने भन्दा पनि रोग लाग्न नदिनेउपायतर्फ ध्यान दिनु पर्छ‘, उपप्रमुख भट्टराईले भनिन ।
बजार अनुगमनको जिम्मेवारी संविधानत: स्थानीय सरकारको दायित्वभित्र रजिम्मेवारीको हिसाबले उपप्रमुख वा उपाध्यक्षको हुने भए पनि सम्बद्ध सबै पक्षकोसहयोग उत्तिकै आवश्यक हुने भन्दै उनले प्रभावकारी अनुगमनका लागि आवश्यकस्रोत सधनको कमी र विज्ञहरुको अभाव रहेको स्वीकार गरिन ।
हरेक वर्ष १५ मार्चलाई विश्व उपभोक्ता अधिकार दिवसका रूपमा मनाउन संयुक्तराष्ट्र संघले आह्वान गर्दै आए अनुसार इलाका प्रशासन दमकले सोमबार कार्यक्रम आयोजना गरेको हो ।
कार्यालयका ना सु सुरेन्द्रराज दाहालले बजार अनुगमनका क्रममा पाइने अखाद्य , नापतौल त्रुटि, प्याकेजिङका नाउँमा बेचिने गुणस्तरहिन सामग्री, ।मूल्य सूचीलुकाउने, दण्ड जरिवाना लगायत विषयमा प्रस्तुती दिएका थिए ।
त्यस्तै, दमक नगरपालिकाकी बजार व्यवस्थापन तथा अनुगमन प्रमुख लक्ष्मीन्यौपानेले बजार अनुगमनका क्रममा बिगतमा पाइएका कमजोरी र दमकनगरपालिकाले गरेको उपभोक्ता सर्वेक्षण बारे प्रस्तुति दिएकी थिइन ।
कार्यक्रममा शिवसताक्षी नगरपालिकाकी उपप्रमुख नरमाया कार्की, कमलगाउँपालिकाकी उपाध्यक्ष प्रमिला न्यौपाने, दमक नगरपालिकाका प्रमुखप्रशासकीय अधिकृत शशी राई, इलाका प्रहरी प्रमुख, दमक १, ६ र ८ कावडाअध्यक्षहरु र अन्य विभिन्न कार्यालयका प्रमुख र प्रतिनिधि सहभागी थिए ।
