१९ चैत, दमक ।
जनता समाजवादी पार्टी, नेपाल (जसपा) ले प्रदेश नम्बर १ को नाम पहिचानमा आधारित हुनुपर्ने माग र आन्दोलनप्रति आफ्नो समर्थनरहेको दोहोर्यएको छ ।
आज आइतबार जसपा अध्यक्ष उपेन्द्र यादवले विज्ञप्ति जारी गर्दै यस्तो जनाएका हुन ।
विज्ञप्तिमा भनिएको छ -‘प्रदेश नं १ को नामाकरण कोशी राखिएकोप्रति असहमति जनाएको र जनताले प्रदेश नं १ मा उठाएकोपहिचानको आधारमा प्रदेशको नामाकरण हुनुपर्दछ भन्ने माग र आन्दोलनलाई यथोचित रूपमा सम्बोधन गर्न/गराउन सरकारसँगजोडदार माग गर्दछ ।‘
जसपाले पार्टी परिपत्र जारी गर्दा प्राविधिक त्रुटिका कारण कोशी शव्द पर्न गएको भनेर त्यसलाई समेत सच्याएको छ ।
अर्को नाम परिवर्तन नभएसम्मको लागि प्रदेश १ नै सम्बोधन गर्ने स्पष्ट पार्दै प्रदेशको नाम पहिचानको आधारमा हुनुपर्दछ भन्ने धारणानै पार्टीको आधिकारिक धारणा रहेको जनाएको छ ।
गत चैत १४ गते जसपा प्रवक्ता मनिष सुमनले विज्ञप्ति जारी गर्दै पहिचानको पक्षमा जारी आन्दोलनलाई जसपाले समर्थन गरेकोबताएका थिए । सो विज्ञप्तिमा आन्दोलनमा घाइते भै मृत्यु भएका पदम लिम्बू (लाजेहाङ) लाई सहिद घोषणा र मृतकका परिवारलाईराहात उपलव्ध गराउन सरकारसँग माग गरिएको थियो ।
