२३ चैत, धनकुटा ।
नरबहादुर तुम्बा नरेनलाई अध्यक्षमा चयन गर्दै किरात याक्खा छुम्मा धनकुटाको चौंथो जिल्ला अधिवेसन बुधबार धनकुटामा सम्पन्नभएको छ ।
तुम्बाको अध्यक्षतामा गठित ११ सदस्यीय जिल्ला समिति उपाध्यक्षमा जोगमाया लुम्बा, सचिव बुद्धिवहादुर याक्खा, सहसचिवअशोक कुमार याक्खा र कोषाध्यक्ष पशुपति याक्खा चयन भए ।
त्यस्तै सदस्यहरुमा चुर्ण प्रसाद याक्खा, विमल याक्खा, सञ्चा याक्खा, रोशन जिमी, जय नारायण याक्खा र शान्ति याक्खा छन ।
त्यस्तै सल्लाहकार समितिमा अञ्जना ताम्ली, डम्बर रोगु, नगेन्द्र देवान, रत्न जिमी, जितमान जिमी, रुद्र तुम्बा, विगेन्द्र याक्खा, छत्र याक्खा र डा. मगना खाम्याहाङ्ग याक्खा छन ।
अधिवेसनमा धनकुटा अस्पतालमा अन्तरगत डेन्टल विभागमा कार्यरत डेन्टल सर्जन डा. मगना खाम्याहाङ्ग याक्खा र स्थायी शिक्षक सेवामा नियुक्त भएका सञ्चा याक्खालाई दोसल्ला तथा सम्मान पत्रबाट सम्मान गरिएको थियो ।
संविधान सभा सदस्य एवम् किरात याक्खा छुम्मा केन्द्रीय उपाध्यक्ष अञ्जना ताम्लीले उद्धघाटन गरेको सो अधिवेशनमा छुम्मा केन्द्रीय सदस्य सदस्य डम्बर रोगु , छुम्मा जिल्ला समिति धनकुटाका सल्लाहकार एवम् छथर जोरपाटी गाउँपालिकाका प्रमुख प्रशासकीय अधिकृत जितमान जिमी , छत्र याक्खा , डा. मगना खाम्याहाङ्ग याक्खाले शुभकामना व्यक्त गरेका थिए ।
नगेन्द्र देवानको अध्यक्षतामा भएको कार्यक्रमको सञ्चालन कोषाध्यक्ष जोगमाया लुम्बाले गरेकी थिइन भने अधिवेसनमा सहभागीलाई सल्लाहकार रत्न जिमीले स्वागत गरेका थिए ।
