भन्छन : जसपाप्रतिको जनताको विश्वास नै जितको आधार
२४ चैत, जनकपुरधाम ।
जनता समाजवादी पार्टी नेपाल (जसपा) अध्यक्ष उपेन्द्र यादवले चुनावी प्रचार कार्यलाई व्यापकता दिएका छन । केही दिन यताअध्यक्ष यादव उपनिर्वाचनको प्रचारमा व्यस्त छन ।
आउँदो बैशाख १० मा हुने बारा २ को उपनिर्वाचन केन्दृत रहेर जसपाले आक्रमक चुनावी प्रचार सुरु गरेको हो ।
दैनिक चुनावी भेटघाटदेखि मतदाताका घरदैलोमा पुगिरहेका यादवको पक्षमा माहोल बन्दै गएको जसपाका नेताहरुको दावी छ ।
भड्किलो चुनावी सभा भन्दा स–सानो समूहमा मतदातासँग भेटेर उनीहरुको समस्या सुन्ने र मत माग्ने कार्यलाई तीव्रता दिइएको हो ।
चलिरहेको चुनावी अभियान बारे बारा २ उपनिर्वाचनका उम्मेद्वार समेत रहेका जसपा अध्यक्ष यादव भन्छन -‘बिगतमा जनताकोअधिकारका लागि हामीले लड्यौं । जनताले त्यसलाई भूल्नु भएको छैन । जसपाप्रतिको जनताको विश्वास अझै बढेको पाएँ । यो नैमैले चुनाव जित्ने बलियो आधार हो ।‘
‘जसपा कमजोर हुँदा मधेशको र समग्र देशका उत्पीडितहरुको मुद्दा कमजोर हुन्छ । त्यसैले हामी बारा २ बाट उपेन्द्र यादवलाईजिताएर पठाउँछौं । उहाँले नागरिकतालगायत मधेश र मधेशीले भोगिरहेका समस्या बारे सदनमार्फत सिङ्गो देशलाई बताउनुहुने छ‘, गढीमाईका पञ्चेस्वर मेहेताले भने ।
बारा २ मा कोहल्वी नगरपालिकाको वडा नं ८ सहित महागढीमाई, पचरौता नगरपालिका, सुवर्ण, देवताल र करैयामाई गाँउपालिकापर्दछ ।
गत मंसिरको आम चुनावमा दलहरुले प्राप्त गरेको म त हाल चुनावी गठबन्धन फेरबदल भएको घटनासमेतलाई विश्लेषण गर्दा बारा २मा जसपा अध्यक्ष उपेन्द्र यादवले जित्ने स्पष्ट आधार तयार भैसकेको प्रचार विभाग प्रमुख पूर्ण बस्नेतको भनाइ छ ।
जनमत पार्टीलाई धक्का
यसैबीच बारा २ मा सिके राउत नेतृत्वको जनमत पार्टीलाई धक्का लागेको छ ।
चुनावको मुखैमा सो पार्टीका प्रभावशाली नेता सुशील यादव र केन्द्रीय सदस्य उमरावती यादव बिहीबार जसपा प्रवेश गरेका छन ।
संघीयता, पहिचान स्थापनासँगै मधेश र समग्र देशमा उत्पीडित समुदाय, लिङ्ग, वर्ग र क्षेत्रको समस्या समाधान गर्न जसपा अध्यक्षउपेन्द्र यादवको नेतृत्व र संसदमा उनको उपस्थिति आजको आवश्यकता भएको भन्दै जनमतका दुई प्रभाशाली नेताले जनमत छोडेरजसपा प्रवेश गरेका हुन ।
जसपा प्रवेश गरेपछि उनीहरुले एकै श्वरमा भनेका छन -‘राजनीतिक गन्तव्य सही नेतृत्व र विचारबाट मात्रै सम्भव हुने बुझेर नै जसपाप्रवेश गरेका हौं । अध्यक्षज्यू (उपेन्द्र यादव) लाई बारा २ ले विजयी गराउँछौं ।‘
अध्यक्ष यादवले दुवै जनालाई खादा लगाएर पार्टीमा स्वागत गरेका छन भने उनीहरुले यादवलाई जितको शुभकामना व्यक्त गर्दैसुखद परिणाम प्राप्त हुनेमा विश्वस्त हुन भनेका छन ।
