१३ बैशाख, बारा ।
प्रतिनिधिसभा सदस्य उपनिर्वाचनमा बारा–२ बाट जनता समाजवादी पार्टी, नेपाल (जसपा) का अध्यक्ष समेत रहेका उपेन्द्र यादवविजयी भएका छन् ।
यादवले आफ्ना निकटतम् प्रतिद्वन्द्वी जनमत पार्टीका उम्मेदवार शिवचन्द्रप्रसाद कुशवाहालाई ५ हजार ८१ मतले पराजित गरेका हुन् ।
२८ हजार ४ सय १५ मत पाएर जसपा यादव निर्वाचित हुँदैगर्दा कुशवाहाले २३ हजार ३ सय ३४ मत पाए । त्यस्तै तेस्रो स्थानमा रहेकाएमालेका पुरुषोत्तम पौडेलले १० हजार २ सय १६ मत प्राप्त गरेका छन् ।
पूर्वडीआईजी समेत रहेका राष्ट्रिय स्वतन्त्र पार्टीका रमेश खरेल भने प्रतिस्पर्धामा पछि रहे । उनले २ हजार ८ सय २९ मत मात्र प्राप्तगरेका छन् ।
उनीपछि रहेका आम जनता पार्टीका उम्मेदवार अरुणकुमार ज्ञवालीले २ हजार ७ सय ३८ मत प्राप्त गरेका छन् । बारा–२ मा कुल ६९हजार १ सय ७ मत खसेको थियो ।
यसअघि बारा–२ का प्रतिनिधिसभा सदस्य रामसहायप्रसाद यादव उपराष्ट्रपति निर्वाचित भएपछि यस क्षेत्रमा उपनिर्वाचन भएका थिए।
मंसिर ४ को निर्वाचनमा यादवले कुशवाहालाई ३ सय ५४ मतले हराएका थिए । माओवादी उम्मेद्वार भएर अघिल्लो चुनाव कांग्रेस, माओवादी, नेकपा एस सहितको गठबन्धनबाट लडेका कुशवाहा यस पटक सिके राउतको जनमत पार्टीका उम्मेद्वार थिए ।
