१३ बैशाख, मेचीनगर ।
अल्पसंख्यक दनुवार समुदायको जातीय र सांस्कृतिक पहिचान प्रवर्द्धनका लागि प्रथम दनुवार जाति जागरण कला तथा सांस्कृतिकमहोत्सवको आयोजना गरिने भएको छ ।
दनुवार जागरण समिति मेचीनगरले आज बुधबार धुलाबारीमा पत्रकार सम्मेलन आयोजना गरेर वैशाख १६ गते धुलाबारीको पुरानोपशुहाटमा एक दिवसीय महोत्सव आयोजना हुने बारे जानकारी दिएको हो ।
महोत्सवमा दनुवारहरुको जातीय पहिरन, कला, संस्कृति, भेषभुषा, खाना, गहनाको प्रदर्शनी गरिने र सोही अवसरमा ज्येष्ठ नागरिकसम्मान कार्यक्रम समेत आयोजना गरिने दनुवार जागरण समिति झापाका अध्यक्ष श्याम दनुवारले जानकारी दिए ।
दनुवार जागरण समितिका केन्द्रीय अध्यक्ष रामकुमार सिंह दनुवारले उद्घाटन गर्ने सो महोत्सवमा जिल्लाभरबाट ५ सय भन्दा बढीसंख्यामा दनुवार समुदायको सहभागिता रहने अयोजकको भनाइ छ ।
समितिकी केन्द्रीय सल्लाहकार अग्नीमाया मेचे दनुवारले महोत्सवमा ३ लाख ८० हजार रुपैयाँ खर्च हुने अनुमान गरिएको बताइन् ।
महोत्सव सम्पन्न गर्न स्थानीय सरकारसँग आवश्यक सहयोग मागिने मेचीनगर अध्यक्ष मोहन दनुवारले जानकारी दिएका छन् ।
