१८ बैशाख, बिर्तामोड ।
प्रेस चौतारी नेपाल जिल्ला कमिटी झापाले आइतबार विर्तामोडमा एक दिने सूचनाको हक सम्वन्धि अन्तरक्रिया कार्यक्रम सम्पन्न गरेको छ ।
प्रेस चौतारीले विर्तामोड नगरपालिका भित्रका क्याम्पसमा अध्ययन गरीरहेका विधार्थीलाई सहभागी गराएर सूचनाको हक सम्वन्धिअन्तरक्रिया कार्यक्रम गरेको हो ।
कार्यक्रममा सूचनाको हक भनेको के हो,सूचनाको हकको परिचय ,सूचनाको हक सम्वन्धी ऐन २०६४ बारे जानकारी,सूचना माग गर्नेनिवेदनको ढाँचा, माग गर्न नमिल्ने सूचनाहरु, सूचनाको हक र पारदर्शीता लगायतका विषयमा छलफल गरिएको थियो ।
कार्यक्रममा सहजीकरण प्रेस चौतारी नेपाल झापाका उपाध्यक्ष,सूचना अभियन्ता प्रदिप परियारले गरेका थिए ।
संगठनका अध्यक्ष मन कुमार गदालको अध्यक्षतामा भएको समापन कार्यक्रमका प्रमुख अतिथि प्रेस काउन्सिल नेपालका सदस्यगणेश पोखरेलले अहिलेको प्रविधिको युगमा जो संग धेरै सूचना छ त्यो नै विश्वको धनी मानिने हुदा सार्वजानिक सरोकारकोसूचनाको जानकारी राख्नु पर्ने बताए ।
सूचनाको हकलाई ब्यवहारमा उतार्ने काममा प्रेस चौतारी सबैसंग हातेमालो गर्न तयार रहेको अध्यक्ष गदालले प्रतिवद्धता ब्यक्त गरे ।
