२ जेठ, दमक ।
शिक्षा, विज्ञान तथा प्रविधि मन्त्री अशोक राईले बैशाख २६ गते झापाको दमकमाप्रहरीको गोली लागेर घाइँते बनेका गजेन्द्र फागोलाई भेटेका छन् ।
आज मंगलबार ललितपुरस्थित बी एण्ड बी अस्पतालमा थप उपचार गराइरहेका फागोलाई भेट्न र उनको स्वास्थ्य स्थिति बारे जानकारी लिन जसपा संघीयपरिषद् अध्यक्ष एवम् शिक्षा मन्त्री राई अस्पताल पुगेका हुन् ।
झापाको बी एण्ड सी अस्पतालमा उपचार गराइरहेका फागोलाई थप उपचारको निम्ति राजधानी लगिएको हो ।
गोली लागेर घुँडाको पांग्राले काम नगर्ने भएपछि बी एण्ड बी अस्पतालका चिकित्सकहरुले उनको घुँडाको शल्यकृया गरेका छन् भने वैकल्पिक उपचार गरी हिँडडुल गर्न सक्ने अवस्थामा फर्काउने प्रयास भैरहेको बताइएको छ ।
फागोको स्वास्थ्य अवस्था बारे मन्त्री राईको सचिवालयले उनको फेसबुकपेजमार्फत जानकारी दिइएको हो ।
प्रदेश १ को नाम कोशी खारेज गर्नुपर्ने र पहिचानका आधारमा पुन: नामांकनगर्नुपर्ने मागसहित जारी शान्तिपूर्ण आन्दोलनकै क्रममा गत बैशाख २६ गते साँझदमकमा राँके जुलुश निकालिएको थियो ।
दमकको गणतन्त्र चोकमा प्रहरी र प्रदर्शनकारीबीच राँको खोस्ने र खोस्न नदिने निहुँमा झडप सुरु भएको थियो ।
झडपका क्रममा प्रहरीले हानेको गोली फागोको देब्रे घुँडामा लागेको थियो ।
गोली लागेका उनलाई प्रहरीले बुट र लाठी प्रहार गर्दा तिघ्राको हड्डी भाँचिएको थियो भने शरीरका विभिन्न भागमा चोट लागेको थियो ।
उनीसँगै गोलीको छर्रा लागेर घाइँते भएकी निर्मला क्षेत्री भने उपचारपछि डिसचार्ज भै घरमै आराम गरिरहेकी छिन् ।
अश्रु ग्यासको सेलले लागेर घाइँते बनेका मिलन रुम्दाली राई समेत अस्पताल भर्ना भै हाल घरमै आराम गरिरहेका बताइएको छ ।
घटनामा प्रहरीतर्फ इलाका प्रहरी कार्यालय दमकका प्रमुख प्रहरी नायव उपरीक्षक मनोजकुमार लामा, प्रहरी निरीक्षकद्वय देवानन्द मिश्रा र जीवन गौतमसहित १०जना भन्दा बढी संख्यामा घाइँते भएका थिए ।
