३ जेठ, दमक ।
नेकपा एमालेका केन्द्रीय सदस्य एवम् प्रदेशसभा सदस्य रामबहादुर राना मगरमाथि आक्रमण प्रयास भएको छ ।
रानालाई उनकै निर्वाचन क्षेत्र इलाम २ (२) को माङसेबुङमा आक्रमण प्रयास भएको हो ।
एमाले जिल्ला कमिटी इलामको बैठकका लागि माङसेबुङ जाँदै गरेका रानालाई अज्ञातस्थलबाट आक्रमण भएको प्रहरीले जनाएकोछ ।
प्रदेश १ को नामाकरण गर्दा कोशी नामको प्रस्तावक रहेका रानालाई अज्ञातस्थलबाट ढुङ्गा प्रहार भएको जिल्ला प्रहरी कार्यालयइलामका प्रमुख दिलिप घिमिरेले पुष्टि गरेका छन् ।
आक्रमणबाट राना सवार बा २ झ ३७३७ नम्बरको गाडिको अगाडि र पछाडिको सिसा फुटेको छ ।
दिउँसो १ बजे भएको घटनामा संलग्नको खोजी भइरहेको र राना सकुसल रहेको प्रहरीले जनाएको छ । आक्रमणपछि उनी सहितकोटोली दमक फर्किएको थियो ।
