४ जेठ, काठमाडौँ ।
नक्कली भुटानी शरणार्थी प्रकरणमा बिहीबार भुटानी शरणार्थीकै नेता टेकनाथ रिजाल पक्राउ परेका छन् ।
प्रहरी नियन्त्रणमा पुगेका रिजाललाई २ दिन हिरासतमा राखेर अनुसन्धान गर्न अदालतले अनुमति दिएको हो ।
मोटो रकम लिएर नेपाली नागरिकहरुलाई भुटानी शरणार्थी बनाएर अमेरिका पठाउने मानव बेचबिखन धन्दामा रिजालको समेतसंलग्नता देखिएको प्रहरीको आरोप छ ।
नक्कली शरणार्थी प्रकरणमा हालसम्म पूर्व उपप्रधानमन्त्री, पूर्व मन्त्री, सचिव, सभासद र पूर्व गृहमन्त्रीका सुरक्षा सल्लाहकार सहितमानिस हिरासतमा छन् । पक्राउ पर्नेमा रिजाल १६ औँ व्यक्ति हुन् ।
यसैबीच बिहीबार नै प्रहरीले नेपाल हज समितिका अध्यक्ष शमशेर मियाँलाई पनि समातेको थियो ।
अदालतले मियाँलाई समेत २ दिन हिरासतमा राखेर अनुसन्धान गर्न म्याद दिएको थियो ।
