३१ जेठ, दमक ।
२० औँ विश्व रक्तदाता दिवसको अवसरमा बुधबार दमक होटल व्यबसायी संघले रक्तदान कार्यक्रम आयोजना गरि ५३ पिन्ट रगतसंकलन गरेको छ ।
नेपाल रेडक्रस सोसाईटी उपशाखा दमकको प्राबिधिक सहयोगमा खुल्ला रक्तदान कार्यक्रम मार्फत ५३ पिन्ट रगत संकलन गरिएकोदमक होटल व्यबसायी संघ दमक क्षेत्रीय समिति अध्यक्ष योगराज दंगालले जानकारी दिए ।
कार्यक्रममा दमक नगरपालिकाका प्रमुख रामकुमार थापा, दमक उद्योग बणिज्य संघका अध्यक्ष गोपाल गुरगाई , होटल महासंघकाप्रदेश १ का अध्यक्ष राजन दंगाल,जीवन चक्र समाजका अध्यक्ष,गणेश गौतम,क्लब हिमालयन टाइगरका उपाध्यक्ष जय बिमलीसामाजिक लेखक डा. लेखनाथ नेउपाने लगायत बिभिन्न सामाजिक व्यक्तित्वहरूको उपस्थिति थियो ।
कार्यक्रम संयोजक योगराज दंगालले कार्यक्रम समापन गर्दै रक्तदाता र अन्य सहयोगी संघसंस्था र व्यक्तिलाई धन्यवाद दिए ।
कार्यक्रममा होटल व्यबसायी संघ कार्यसमिति सदस्यहरूको बाक्लो उपस्थित रहेको थियो भने कार्यक्रम सकिए लगतै कार्यक्रमस्थलमा सरसफाई गरिएको सचिव भुपेन्द्र न्यौपानेले जानकारी दिए ।
