सजन राई
१५ असार, दमक ।
झापाको दमकमा भोलि शनिवार अन्तर कलेज फूटसल प्रतियोगिता हुँदैछ ।
शुक्रबार आयोजकले एक दिने प्रतियोगिताको टाइसिट सार्वजनिक गर्दै खेलको सबै तयारी पूरा भएको जनाएको हो ।
दमक ५ स्थित फूजिसान कन्सलटेन्सी र दमक ८ को माउण्ट फूजी कन्सलटेन्सीको संयुक्त आयोजनामा शनिबार प्रतियोगिता हुने आयोजक सदस्य कविध्वज राईले जानकारी दिए ।
दमक ५ स्थित गोर्खाली टोलमा रहेको विस्ट फूटसलको खेल मैदानमा हुने प्रतियोगिताको उद्घाटन खेल दमक बहुमुखी क्याम्पस दमक र कन्काई क्याम्पस विर्तामोडबीच हुनेछ ।
प्रतियोगितामा उर्लाबारी बहुमुखी क्याम्पस, मोडल कलेज दमक, पथरी बहुमुखी क्याम्पस र आयोजकतर्फका २ वटा टिमको सहभागिता रहने छ ।
प्रतियोगिताको सम्पूर्ण खेलहरु हरप्रहर न्यूज डटकमको अफिसियल फेसबुक पेजबाट लाइभ हुने छन् ।
