२९ असार, दमक ।
झापाको काँकडभिट्टास्थित भानु साहित्यिक प्रतिष्ठानले यसवर्षको भानु प्रतिभा पुरस्कार मेचीनगरका विभिन्न विधाका चारजना प्रतिभालाई प्रदान गरेको छ ।
शुक्रबार काँकरभिट्टा खानेपानीको सभाहलमा सम्पन्न कार्यक्रममा खेलकुद, सञ्चार,साहित्य र कलातर्फ चार जना प्रतिभा सम्मानितभएका हुन् ।
खेलकुद क्षेत्रमा अब्बल मेचीनगर निवासी नेपाली महिला क्रिकेट टिमकी कप्तान रुबिना क्षेत्रीले खेलकुदको माध्यमबाट झापा र सिङ्गो नेपालकै नाम अन्तरराष्ट्रिय क्षेत्रमा चिनाउन सफल भएको भन्दै खेलकुद क्षेत्रमा पुर्याएको योगदानको कदर सहित नगद २१ हजार राशीको भानु प्रतिभा सम्मान प्रदान गरिएको थियो ।
त्यस्तै लामो समयबाट सञ्चार क्षेत्रमा कृयाशील सञ्चारकर्मी भूमिका लिम्बू फियाकलाई सञ्चार क्षेत्रमार्फत समाज परिवर्तनमाभूमिका खेलेको भन्दै भानु प्रतिभा पुरस्कारबाट सम्मान गरिएको थियो । हरप्रहर न्यूजसँग सम्बद्ध लिम्बूलाई नगद ११ हजार पुरस्कार रसम्मान पत्र प्रदान गरिएको थियो ।
प्रतिष्ठान अन्तरगत रहेको हेमराज–मेदनी खरेल पुरस्कारबाट साहित्य तर्फकी साहित्यकार लक्ष्मी अच्युत ढुंगानालाई र कृष्ण–पवित्राउप्रेती प्रतिष्ठान पुरस्कारबाट कला र संस्कृतिको प्रवर्धनका लागि पञ्चेबाजा तथा संगीनी नाचमा संस्थागत ज्येष्ठ नागरिक वडासमिति मेचीनगर–६लाई पुरस्कृतसहित सम्मान गरीयो । दुवै पुरस्कार जनही ११ हजार रूपैँया र सम्मान पत्र रहेको थियो ।
सम्मानित एवम् पुरस्कृत सबैलाई कार्यक्रमका प्रमुख अतिथि वरिष्ठ साहित्यकार डिल्लीराज नेपाल, विशिष्ट अतिथि मेचीनगरनगरपालिका उपप्रमुख मीना पोखरेल उप्रेतीलगयातले नगदसहित सम्मान पत्र प्रदान गरेका थिए ।
प्रतिष्ठानले २१०औँ भानु जयन्तीको अवसरमा आयोजित कार्यक्रममा काँकरभिट्टास्थित भानुभक्तको पूर्णकदको शालिकमामाल्यार्पणपछि आयोजित कार्यक्रमको उद्घाटन रामायण वाचन गरेर गरिएको थियो ।
प्रतिष्ठानका कार्यावाहक अध्यक्ष डिल्लीराम घिमिरेको अध्यक्षतामा भएको कार्यक्रममा प्रमुख अतिथि नेपाल, विशिष्टहरु अतिथिउप्रेती, संविधानसभा सदस्य रविन कोइरालालगायतले बोलेका थिए ।
महासचिव सुशील आचार्यले सञ्चालन गरेको कार्यक्रममा प्रतिष्ठानका उपाध्यक्ष मेदनीप्रसाद खरेलले स्वागत गरेका थिए ।
