१० कार्तिक, दमक ।
भोलि (शनिबार) खण्डग्रास चन्द्रग्रहण लाग्ने भएको छ ।
नेपाल पञ्चाङ्ग निर्णायक विकास समितिले दिएको जानकारी अनुसार राति १ः१९ बजे स्पर्श हुने चन्द्रग्रहणको सुतक दिउँसो ४ः१९ बजेदेखि सुरु हुने छ ।
यो ग्रहण करिब १ घण्टा १९ मिनेट कायम रहने अर्थात राति २ः३८ बजे समाप्त हुने समितिले स्वीकृति दिएका पात्रो (पञ्चाङ्ग) मा उल्लेख छ ।
यो चन्द्रग्रहण वि.सं. २०८० मा लाग्ने एउटै ग्रहण भएको पञ्चाङ्ग निर्णायक विकाससमितिले जनाएको छ ।
चन्द्रग्रहण सुरु हुनु भन्दा ९ घण्टा अघि अर्थात दिउँसो ४ः१९ बजेदेखि बाल, वृद्ध र बिरामी बाहेकलाई भोजन निषेध गरिएको हिन्दु धर्मशास्त्रमा उल्लेख छ । ग्रहणका बेला जप, स्नान, ध्यान, पाठलगायत कर्म गरे फल प्राप्त हुने बताइएको छ ।
