१० असार, दमक ।
माङसेबुङ गाउँपालिकाले आर्थिक वर्ष २०८१÷८२ बाट १५ शैय्याको अस्पताल निर्माण कार्य थाल्ने भएको छ ।
आईतबार गाउँपालिकामा अध्यक्ष हेमन्त राईले १५ औँ गाउँसभामा पेश गरेको आ.व. २०८१/८२ को वार्षिक नीति कार्यक्रममा अस्पताल सञ्चालनको लागि विस्तृत आयोजना प्रतिवेदन तयार भएको र माङसेबुङ ३ को मनिपुरमा जग्गासमेत प्राप्त भइसेकेकोले अस्पताल निर्माण कार्य अघि बढ्ने बताएका हुन् ।
नीति तथा कार्यक्रममा भनिएको छ –‘‘सबैलाई सुलभ स्वास्थ्य सेवा’ भन्ने मूल लक्ष्यका साथ गाउँपालिकामा १५ शैयाको अस्पताल सञ्चालनको लागि विस्तृत आयोजना प्रतिवेदन तयार तथा माङसेबुङ ३ मनिपुरमा जग्गा प्राप्ति समेत भईसकेको र अस्पताल निर्माणका लागि प्रक्रिया अघि बढिसकेकोले अस्पताल निर्माण कार्यलाई गति दिइनेछ ।’
हाल माङसेबुङ गाउँपालिकाभर स्वास्थ्य चौकी र स्वास्थ्य इकाईहरुमात्रै सञ्चालनमा रहेका छन् । विशेषज्ञसहितको सुविधा नुहँदा र स्वास्थ्य सम्बन्धी जटिल समस्या उत्पन्न भए माङसेबुङवासीलाई झापा झर्नुपर्ने वाध्यता रहँदै आएको छ ।
