२५ असार, दमक ।
लगातारको वर्षापछि आएको पहिरोका कारण दमक–चिसोपानी (फाल्गुनन्द मार्ग) सडकको बाघमारा पुल नजिकै सडक अवरुद्ध बनेको छ ।
इलामको माङसेबुङ ३ स्थित बाघमारा पुल छेउमा पहिरो खसेका कारण सडक यातायात अबरुद्ध भएको माङसेबुङ गाउँपालिकाका अध्यक्ष हेमन्त राईले पुष्टि गरे ।
‘पहिरोका कारण बाटो बन्द भएको छ । हामीले पालिकाबाट स्काभेटर पठाइसकेका छौँ । एक–डेढ घण्टामा बाटो खुलाउँछौँ’, अध्यक्ष राईले भने ।
यसअघि राईले आफ्नो फेसबुक वालमा पहिरो बारे जानकरी गराएका थिए ।
