२६ असार, भोजपुर ।
लगातारको वर्षाका कारण भोजपुरमा मध्यपहाडी लोकमार्ग नै भासिएको छ ।
लोकमार्गअन्तर्गत टेम्केमैयुङ गाउँपालिका– ३ मेस्पाङामा वर्षाका कारण सडक भासिएको हो ।
टेम्केमैयुङ गाउँपालिकाकी उपाध्यक्ष रमादेवी राईले दिएको जानकारी अनुसार भोजपुर – चखेवा सडक खण्डको मेस्पाङमा करिब ६०मिटर सडक भासिएको छ ।
कालोपत्र गरिएको सडक बुधबार बिहान भासिएपछि यातायात आवगमन बन्द भएको उपाध्यक्ष राईले बताइन् ।
’सडकमा ठूलो क्षति भएको छ । यसरी नै निरन्तर वर्षा भयोभने अझ बढी क्षति हुनसक्छ’, राईको भनाई छ ।
