पुष १५, दमक । दमक जेसीज बर्ष–२०२५ को अध्यक्षमा सहदेव भट्टराई निर्वाचित भएका छन् । दमक जेसीजको ४४औं बार्षिक साधारणसभा अन्तर्गत भएको निर्वाचनबाट उनले आफ्ना प्रत्यासी निरोज आचार्यलाई १९ मत अन्तरले हराउदै अध्यक्षमा निर्वाचित भएका हुन् ।
भट्टराईले ५९ मत प्राप्त गरेका थिए भने आचार्यले ४२ मत प्राप्त गरेका थिए । अध्यक्षमा निर्वाचित भट्टराई दमक जेसीज बर्ष–२०२४ का महासचिव समेत हुन् ।
यसैगरि, दुई कार्यकारिणी उपाध्यक्षद्धयमा रुवल अधिकारी र पुजन चौधरी निर्विरोध निर्वाचित भए भने चार उपाध्यक्षहरुमा भएको निर्वाचनबाट सरिता बराल, निसम अधिकारी, धर्म ढुंगाना र सुमन कुमाल निर्वाचित भए । यता जनसम्पर्क अधिकारीमा विशाल अधिकारी र तालिम निर्देशकमा कृष्ण भट्टराई निर्विरोध निर्वाचित भएका छन् ।
जेसीज विधान अनुसार महासचिव, कोषाध्यक्षसहितका पदहरुमा मनोनित गरि कार्य समितिलाई पूर्णता दिईने जनाईएको छ ।
