फागुन १८, काठमाण्डौ । सवारी तथा यातायात व्यवस्था ऐन परिमार्जनको तयारी थालिएको छ । सरकारले २०४९ सालमा बनेको ऐनपरिमार्जन गर्दै नयाँ ऐन ल्याउने तयारी गरेको छ ।
नयाँ ऐनको मस्यौदा तयार पारी भौतिक पूर्वाधार तथा यातायात मन्त्रालयले राय तथा सुझावका लागि आफ्नो वेबसाइटमा सार्वजनिक गरेको छ । नयाँ ऐन मार्फत् सरकारले सवारी तथा यातायात क्षेत्रमा थुप्रै व्यवस्था थप गरेको छ ।
जसअन्तर्गत मोटरसाइकल वा स्कुटर चढ्दा पछाडि बस्ने व्यक्तिले समेत अनिवार्य हेल्मेट लगाउनु पर्ने छ । यसका साथै बालबालिकाहरुलाई सवारीचालक भन्दा अगाडि पट्टि राख्न पाइने छैन ।
